ខេត្តកណ្តាល សម្រេចកកំណត់តំបន់មួយចំនួនជា «តំបន់ក្រហម» ខណៈករណីវីរុសកូវីដ-១៩ កើនឡើង

 

ខេត្តកណ្តាល បានសម្រេច​កំណត់តំបន់មួយចំនួន​ជា «តំបន់ក្រហម» «តំបន់លឿងទុំ​» និង «តំបន់លឿង​» សារជាថ្មីម្ដងទៀត ដើម្បីទប់ស្កាត់​ការឆ្លង​រាលដាល​នៃជំងឺកូវីដ​ ១៩។

 តាមសេចក្តីសម្រេច តំបន់ក្រហម រួមមាន៖

 ផ្នែក​ខ្លះនៃភូមិ​ពាមរាំង​លើ ចាប់ពីព្រំប្រទល់​ប៉ែកខាងជើង រហូតដល់សាលាអន្តរជាតិ ចំណេះខ្ញុំ​ នៃភូមិ​ពាមរាំង​លើ ឃុំពាមរាំង ស្រុកលើកដែក។

 តំបន់លឿងទុំ ចាប់ពីសាលាបឋមសិក្សាភូមិថ្មី រហូតដល់ព្រំប្រទល់​ប៉ែកខាងត្បូងនៃភូមិព្រែកតាទួន ឃុំពាមរាំង ស្រុកលើកដែក​។

 តំបន់លឿង ផ្នែកខ្លះនៃភូមិ​ថ្មី ចាប់ពីព្រំប្រទល់​ប៉ែកខាងជើង រហូតដល់​សាលាបឋមសិក្សាភូមិ​ថ្មី និងផ្នែកខ្លះ នៃភូមិ​ពាមរាំងលើ ចាប់ពីសាលាអន្តរជាតិ​ចំណេះខ្ញុំ រហូតដល់ព្រំប្រទល់​ ប៉ែក​ខាងត្បូង នៃភូមិពាមរាំង​លើ ឃុំពាមរាំង​ ស្រុកលើកដែក​។

 រដ្ឋបាលខេត្តកណ្តាល បានលើកឡើងថា វិធានការ​ដែលត្រូវអនុវត្តចំពោះភូមិសាស្ត្របិទខ្ទប់​ផ្នែក​ខ្លះនៃ​ភូមិ​សាស្ត្រ​ភូមិថ្មី ភូមិនព្រែក​តាទួន និងភូមិ​ពាមរាំង​លើ ក្នុងឃុំពាមរាំង ស្រុកលើកដែក ខេត្តកណ្តាល ត្រូវចាប់ផ្តើម​អនុវត្ត​ សម្រាប់រយៈពេល ១៤ថ្ងៃ គិតចាប់ពីថ្ងៃទី២៨ ខែឧសភា ឆ្នាំ២០២១ រហូតដល់ថ្ងៃទី១០ ខែមិថុនា ឆ្នាំ២០២១៕